Horwatiýada geçirlen prezident saýlawynda sesleriň 74,66 göterimini alan Zoran Milanowiç ýeňişini yglan etdi.
Saýlaw komissiýasyndan berlen beýannamada, düýn geçirlen prezident saýlawynyň birinji tapgyrynda sesleriň 99 göteriminden gowragynyň sanalandygy nygtaldy.
Beýannamada, saýlawyň resmi bolmadyk netijelerine görä, Milanowiçiň sesleriň 74,66 göterimini alyp ikinji gezek prezidentlige saýlanandygy bellenildi.
Milanowiçiň bäsdeşi, häkimiýetiň başyndaky merkezi sagçy Horwat Demokrat bileleşiginiň dalaşgäri ozalky Bilim ministri Dragan Primoraç bolsa sesleriň 25,34 göterimini aldy.
Zoran Milanowiç ýeňiş çykyşynda ikinji gezek bu wezipä saýlanmagynyň halkyň özüne bolan ynamyny görkezýändigini belledi.