Russiýanyň çempionaty “Premýer Ligada” hem çempion belli bolup, soňky 3 möwsümiň ýeňijisi “Zenit” çempionlygyny goramagy başardy. 27-nji tapgyrda 2-nji orunda barýan “Dinamonyň” öz meýdançasynda “Uraldan” utulmagyndan soň, “Lokomotiwi” 3-1 ýeňen “Zenit” bassyr 4-nji, “Premýer Ligadaky” 8-nji çempionlygyny gazandy.
Duşuşykda moskwalylar 4-nji minutda Kerkiň goly bilen hasaby açsalaram, 1-nji ýarymda “Zenit” Sergeýewiň (27) hem-de Malkomyň (42) gollary esasynda öňe saýlanmagy başardy. 77-nji minutda Mostowoý hasaby 3-1-e çykardy. Şeýlelikde, bu ýeňişden soň “Zenit” bassyr 4-nji gezek Russiýanyň çempiony bolmagy başardy.
Bu olaryň “Premýer Ligadaky” 8-nji çempionlygy bolup (2007, 2010, 2011/2012, 2014/15, 2018/19, 2019/20, 2020/21, 2021/22), olaryň 1984-nji ýylda SSSR-iň Ýokary Ligasynda gazanan bir çempionlygy hem bar.