Zelenskiý “Telegram” hasabyndan beren habarnamasynda NATO-nuň baş sekretary Rutte bilen telefon arkaly söhbetdeşlik geçirendigini mälim etdi.
Russiýanyň geçen hepde Ukraina täze görnüşli ballistiki raketa atmagy sebäpli düýn NATO-Ukraina geňeşiniň maslahat geçirendigini ýatladan Zelenskiý, Rutte bilen telefon söhbetdeşliginde Ukraina howa goranyş ulgamlarynyň ugradylmagy hakynda pikir alyşandyklaryny beýan etdi.
Zelensiý ýaran ýurtlaryň uzak aralykly rus hüjümleriniň öňüni alýan howa goranyş ulgamlarynyň bardygyny beýan edip; “Zerur bolan, ulamaga ukyply howa goranyş ulgamlarynyň atlaryny berdim. Hyzmatdaşlarda şol howa goranyş ulgamlary bar” diýdi.
NATO-nuň Waşingtondaky soňky sammitinde Ukraina goldaw bermek maksady bilen kesgitlenen howa goranyş ulgamlarynyň berilmegi we ýarag kömeginiň ugradylmagy hakynda kabul edilen kararlaryň henize doly iş ýüzüne geçirilmändigini nygtan Zelenskiý; “Onuň iş ýüzüne geçmegine garaşýarys we ol halkymyzyň höwesine hem-de ruhybelentligine ýokary täsir ýetirýär” diýip, ýazdy.
Zelenskiý Russiýa garşy tapawutly ugurlarda halkara gysyşyň artmalydygyny beýan etdi.