Ukrainanyň prezidenti Wladimir Zelenskiý sosial media hasabyndan beren beýanatynda, ýurdunyň howa giňişligini her gün uçarmansyz howa ulaglaryndan we rus raketalaryndan goraýandyklaryny beýan etdi.
Ukrainanyň territoriýasyna 103 sany "Şahed" kysymly uçarmansyz howa ulagy bilen hüjüm guralandygyny aýdan Zelenskiý: "Russiýa bu hepde 630-dan gowrak uçarmansyz howa ulagy, takmynan 740 ugrukdyryjy bomba we biri-birinden 50 tapawutly raketa ulandy.
Bu, dünýäniň dürli künjeklerinden 50 müňden gowrak sanksiýa berlen komponentleri aňladýar.Daşary ýurt bölekleri bilen üpjün etmek üçin sanksiýa ýeterlik däl.Russiýa dünýäniň dürli künjeklerinden zerur bölekleri we önümçilik gurallaryny satyn almagy we Ukraina garşy ulanmagyny dowam etdirýär" diýip habar berdi.
Russiýanyň Goranmak ministrligi bolsa öz gezeginde Ukrainanyň Russiýanyň territoriýasyna guran hüjümlerinde 66 uçarmansyz howa ulagyny ýok edendiklerini beýan etdi.
Ukrainanyň Milli howpsuzlyk we goranmak geňeşiniň Dezinformasiýa garşy göreş merkeziniň başlygy Andriý Kowalenko sosial media hasabyndan beren beýanatynda, ýurdunyň Ýaragly güýçleriniň Russiýanyň Kursk sebiti ugry boýunça hüjüme geçendigini aýan etdi.
Kowalenko: "Kursk sebitinde ruslar gaty aladalanýarlar, sebäbi olara birnäçe tarapdan hüjüm edildi we bu olar üçin garaşylmadyk bir zat boldy. Goranmak güýçlerimiz işleýär" diýip belledi.