Ukrainanyň Prezidentiniň Diwanyndan berilen beýannamada Zelenskiýniň Donesk oblastynyň Awdiýiwka şäherinde ukrain esgerleriniň pozisiýalaryna barandygyny habar berildi.
Beýannamada “Donesk” operatib-taktiki toparynyň serkerdesiniň frontdaky ýagdaý hakynda Zelenskä maglumat berendigi nygtalýar.
Zelenskiýniň Awdiýiwkada söweşýän esgerler bilen duşuşandygy, Doneske saparynyň dowamynda ukrain esgerleriniň bejergi alýan hassahanasyna barandygy habar berildi.
Beýannamada Zelenskiýniň esgerlere geçdigi bolsun dileglerini ýetirendigi we batyrgaýlyklary mynasybetli döwlet sylaglaryny gowşurandygy beýan edildi.
Donesk sebitiniň harby dolanşygynyň Başlygy Pawlo Kirilenko sosial media hasabyndan beren habarnamasynda ruslaryň soňky bir günde Awdiýiwka agyr ýaraglar we raketalar bilen hüjüm gurandygyny habar berdi.
Kirilenko hüjümlerde şäheriň 6 köçesine agyr zyýan ýetirendigini aýtdy.