Bütindünýä ýeňil atletika bileleşigi (World Athletics) ýylyň ýeňil atletikaçylary
baýraklarynyň dalaşgärlerini mälim etdi. Şoňa görä, Niderlandlardan Femke Bol, Sifan Hassan, Efiopiýadan Letesenbet Gideý, Ababel Ýeşaneh, Keniýadan Peres Jepçirçir, Fait Kipýegon, Hellen Obiri, Beýik Britaniýadan Laura Muir, Wenesueladan Ýulimar Rohas, Ýamaýkadan Elaýni Tompson-Herah zenanlaryň arasynda dalaşgärlige
hödürlendi.
Erkekleriň arasynda ýylyň ýeňil
atletikaçysy baýragyna 3 amerikaly ýeňil atletikaçy Donowan Braýzier, Raýan Krouzer, Noa Laýles, şol sanda
ugandaly Joşua Çeptegei bilen Jeýkob Kiplimo, keniýaly Timoti Çeruiýot, syrykly bökmekde birnäçe rekord goýan şwesiýaly Armand Duplantis bilen Daniel Stahl, germaniýaly Ýohannes Wetter hem-de
norwegiýaly Karsten Warhol dagy dalaşgär görkezildi.
Ýeňijiler 2 tapgyrly ses berlik
esasynda mälim ediler. 15-nji noýabra çenli
dowam etjek ses berlişikden soň, janköýerlerden iň köp ses alan 5 zenan hem-de 5 erkek
türgen final tapgyryna galar. Bütindünýä ýeňil atletika bileleşiginiň
agzalarynyň hem-de janköýerleriň ses bermeginden soň, ýeňijiler 5-nji dekabrda mälim ediler.