2024-nji ýylyň 1-nji ýanwaryndan 10-njy maýyna çenli 9,6 müňden gowrak türkmenistanly Gazagystana bardy. Bu barada TengriNews.kz saýty habar berdi.
Çeşmäniň bellemegine görä, hasabat döwründe Gazagystana baran Türkmenistanyň raýatlarynyň sany 9 müň 671-e deň boldy. Şeýlelikde, Türkmenistan bu ugurda 7-nji orna ýerleşdi.
Degişli döwürde Gazagystana baran raýatlarynyň sany boýunça düzülen sanawda Özbegistan (1 million 598 müň 656 sany) liderlik edýär. Şeýle-de sanawyň ilkinji bäşliginden Gyrgyzystan (1 million 15 müň 553 sany), Russiýa (854 müň 937 sany), Täjigistan (332 müň 177 sany) hem-de Belarus Respublikasy (47 müň 342 sany) orun aldy.
Çeşmäniň bellemegine görä, geçen ýylyň degişli döwri bilen deňeşdirilende Gazagystana gelýän daşary ýurtlularyň sany 6,5 göterim artdy.