Bawariýanyň Bundesligada soňky duşuşygynda şikes alan Senegalyň kapitany Sadio Maneni tälimçisi ähli oňaýsyz ýagdaýa garamazdan, Katara gatnaşýan ýygyndynyň düzümine alypdy.Ilki oýunçynyň ilkinji duşuşykda oýnap bilmejekdigi habar berlipdi. Ýöne Sadio Maneniň şikesli ýagdaýynyň köpräk wagt dowam etjekdigi mälim edildi.
Häzirki wagtda Münih şäherinde bejergi alýan senegally ýyldyzyň Dünýä Kubogynda çykyş edip bilmejekdigi habar berildi. Ýyldyz oýunçynyň öňümizdäki günlerde operasiýa boljakdygy, şol sebäpli-de onuň şikesli geçirjek wagtynyň birneme köpräk boljakdygy habar berildi.
Tälimçi Aliu Sisseniň onuň ornuna oýunçy çagyryp-çagyrmajakdygy häzirlikçe belli däl.