Tutuş dünýäde kowid 19 sebäpli sport älemi maliýe babatda agyr kynçylyk çekýär.Girdejileri pese gaçan futbol klublary çykdajylaryny azaltmak üçin dürli ýollara baş goşmaly bolýarlar. Şolaryň biri-de Italiýanyň “Ýuwentus” topary bolup, klubuň ýolbaşçylary toparyň iň köp pul gazanýan futbolçysy Kristiano Ronaldony ugratmagyň ýoluny gözleýär.
Bu barada italýan metbugatynda häli-şindi habarlar çykyp başlady.Munuňam esasy sebäbi, “Lasio” bilen deňme-deň tamamlanan oýunda “Ýuwentusyň” tälimçisi Andrea Pirlo duşuşykdan soň, Ronaldonyň ýoldaşlaryna pas bermän, ýeke oýnaýandygy barada beýanat berdi.
Hat Pirlo toparynyň “”Ferenswaroşy” 41 ýeňen duşuşygyndan soň “Sky Sports Italia” teleýaýlymyna beren beýanatynda-da: Men oýunçylarym bilen köp zat gürleşýäris. Ýöne olar şonda-da meýdançada öz diýenlerini edýär.
Azda-kände ýeke oýnaman, paslaşyp oýnasalar has ir netije alyp bilerdik” diýip, super ýyldyzynyň kän pas bermändigini gytaklaýyn beýan edipdi.
Şol bir wagtyň özünde-de Ronaldonyň ýyllyk alýan hakynyň 28 million funt sterling bolmagy super ýyldyzy klubdan ibermek üçin ýeterlik sebäpler hökmünde görülýär.Ronaldonyň klubuň iň köp hak alýan 2-nji futbolçysy bolan Paolo Dibaladan 5 essä golaý köp hak almagy toparda azda-kände agzalalyga ýol açýar diýip habarda bellenilýär. 35 ýaşly futbolçynyň 2022-nji ýyla çenli klub bilen şertnamasy bar.
Topar iň bolmanda, häzirki wagtda onuň möhletini uzaltmak islänok, hatda geljekki tomusda transfere goýbermegi meýilleşdirýär. “Ýuwentus” Ronaldony 2018-nji ýylyň tomsunda 100+12 million ýewro transfer edipdi.