Italiýanyň çempionatynda 14-nji tapgyrda “Ýuwentus” öz meýdançasynda “Fiorentinany” kabul etdi.Myhmanlaryň artykmaçlygynda geçen oýnuň 3-nji minutynda Dusan Wlahowiç “Fiorentinany” öňe saýlady.Duşuşygyň 18-nji minutynda “Ýuwentusyň” sag gyraky goragçysy Huan Kuadrado gyzyl kart aldy.
Bu gyzyl kart oýnuň ýagdaýyny düýpgöter üýtgetdi. Şondan soň myhmanlar ýene 2 gol geçirdi.Olary 76-njy minutda Aleks Telles öz derwezesinden, 81-nji minutda-da “Ýuwentusyň” ozalky oýunçysy Martin Kaseres derwezä girizdi. Şeýlelikde, öz meýdançasynda “Fiorentinadan” 3-0 asgyn gelen “Ýuwentus” şu möwsümde ilkinji gezek ýeňlişe sezewar boldy. “Ýuwentus” topary 2011-nji ýyldan soň ilkinji gezek çempionatda öz meýdançasynda 3 gol geçirtdi.
Biankoneriler soňky gezek öz meýdançasynda 2011-nji ýylyň 6-njy ýanwarynda “Parmadan” 41 utulypdylar.
Sezare Prandelliniň tälimçiligindäki “Fiorentina” bolsa şu möwsümde 3-nji gezek ýeňiş gazandy.
“ÝUWENTUS”“NAPOLI” DUŞUŞYGY TÄZEDEN OÝNALAR
Şeýle-de şu möwsümiň başynda, 3-nji tapgyrda Napoliniň pandemiýa sebäpli oýna çykmandygy sebäpli oýnalman, “Ýuwentusyň” tehniki ýeňiş gazanan duşuşygy täzeden geçiriler.Bu barada “Napoli” toparynyň ýolbaşçylary Italiýanyň Milli Olimpiýa komitetine ýüz tutupdy.
Olimpiýa komiteti “Napoliniň” peýdasyna karar kabul etdi. Şunlukda, duşuşyk geljekki günleriň birinde oýnalar. “Ýuwentusyň” tehniki ýeňişden soň gazanan 3 utugy yzyna alnyp, “Napoli” toparyna berlen -1 utuklyk jerime hem ýatyryldy.
The post “Ýuwentus” hem ýeňilýär, turinlilere 2 urgy birden appeared first on Zaman Türkmenistan.