Baalbek-Hermel sebitiniň häkimi Beşir Hydyr, X platformasyndan beren beýanatynda sebitde örän elhenç bir günüň başdan geçirilendigini aýan etdi.
Ysraýylyň goşunynyň Liwanyň gündogaryndaky Baalbek sebitiniň tapawutly ýerlerini bombalandygyny aýdan Hydyr, hüjümlerde 47 adamyň ýogalandygyny we 22 adamyň ýaralanandygyny mälim etdi.
Hydyr dereksiz ýiten adamlaryň tapylmagy üçin gözleg we halas ediş işleriniň başladylandygyny beýan etdi.
Ysraýylyň Liwanyň günortasyndaky Sur şäherine guran hüjüminde bolsa 5 adam, Nebatiýe şäherinde binalaryň birine guran hüjüminde bolsa 4 adam ýogaldy, 15 adam ýaralandy.
Ysraýylyň goşunynyň 2023-nji ýylyň 8-nji oktýabryndan bäri Liwana guran hüjümlerinde ýogalanlaryň sany 3 müň 583 adama, ýaralananlaryň sany bolsa 15 müň 244 adama ýetdi.