Ysraýylyň harby goşuny Liwan bilen hüjümleriň bes edilmegi boýunça gazanylan ylalaşygy basgylamaga dowam edýär.
Ysraýylyň ylalaşyga garamazdan 27-nji noýabrdan bäri Liwana garşy 365 hüjüm gurandygy, şol hüjümlerde 33 adamyň ýogalandygy, 37 adamyň hem ýaralanandygy nygtaldy.
Liwanyň NNA habarlar gullugynyň berýän habaryna görä, Ysraýyl, paýtagt Beýruda, Liwanyň günortasynda ýerleşýän Sur we Nebatiýe şäherlerine hüjüm gurady.
Liwanyň Saglygy goraýyş ministrliginiň görkezijilerine görä, 2023-nji ýylyň 8-nji oktýabryndan bäri 1106-sy zenan we çaga, 222-i saglygy goraýyş işgäri bolmak bilen azyndan 4 müň adam ýogaldy, 16 müňden gowrak adam hem ýaralandy.
Beýleki tarapdan Ysraýylyň harby goşunynyň çekilmeginden soň Liwanyň günortasynda Al Hyýam etrapçasynda harabalygyň aşagyndan 21 adamyň jesedi çykaryldy.