Ysraýylyň harby goşunynyň Liwana garşy guraýan hüjümlerinde ýogalanlaryň sany 28 adam artyp 2 müň 574 adama ýetdi.
Liwanyň Saglygy goraýyş ministrliginden berlen ýazmaça beýannamada, Ysraýylyň harby goşunynyň ýurduň birnäçe sebitine guraýan howa hüjümlerini dowam etdirýändigi nygtaldy.
Beýannamada, Ysraýylyň hüjümleri sebäpli düýn ýene-de 28 adamyň ýogalandygy, 139 adamyň hem ýaralanandygy nygtaldy.
Beýannamada, Ysraýylyň 2023-nji ýylyň 8-nji oktýabryndan bäri Liwana guraýan hüjümlerinde ýogalanlaryň sanynyň 2 müň 574, ýaralananlaryň sanynyň hem 12 müň 1 adama ýetendigi ýatladyldy.
Ysraýylyň harby uçarlarynyň paýtagt Beýrudyň günortasynda ýerleşýän Dahiýe etrapçasyna guran howa hüjüminde merkezi Liwanda ýerleşýän Al Maýadeen kanaly nyşana alyndy.
Hüjümde kanalyň ýerleşýän binasynyň dolulygyna ýykylandygy, telewideniýe kanalynyň ýolbaşçylarynyň hüjümden öň binany boşadandygy bellenildi.
Ysraýylyň bombaly hüjümleri sebäpli Liwanda ýüz müňlerçe adam öýüni terk etdi.
Ýurduň günortasyndan paýtagt Beýruda we demirgazyga tarap başlan göç tolkuny dowam edýär.
Liwanyň hökümetiniň görkezijilerine görä, 486 müňden gowrak adam hem Siriýa göçdi.