Ysraýylyň harby goşunynyň 2023-nji ýylyň 8-nji oktýabryndan bäri Liwana guraýan hüjümlerinde ýogalanlaryň sany 29 adam artyp 3 müň 481 adama ýetdi.
Liwanyň Saglygy goraýyş ministrliginden berlen beýannamada, Ysraýylyň guraýan hüjümlerinde çekilen adam pidalary hakynda maglumat berildi.
Ysraýylyň harby goşunynyň öňňin Liwana guran hüjümlerinde ýene-de 29 adamyň ýogalandygy, 122 adamyň hem ýaralanandygy ýatladyldy.
Beýannamada, Ysraýylyň 2023-nji ýylyň 8-nji oktýabryndan bäri Liwana guraýan hüjümlerinde ýogalanlaryň sanynyň 896-sy zenan we çaga, 210-y saglygy goraýyş işgäri bolmak bilen 3 müň 481 adamyň ýogalandygy, 14 müň 786 adamyň hem ýaralanandygy nygtaldy.
Hizbullah bilen 2023-nji ýylyň 8-nji oktýabryndan bäri çaknyşyklaryny dowam etdirýän Ysraýylyň harby goşuny, 23-nji sentýabrda Liwanyň günortasyndaky şäherler bilen birlikde Bekaa we Baalbek sebitlerine hem howa hüjümini guramaga başlapdy.
Ysraýylyň bombaly hüjümleri sebäpli Liwanda 100 müňlerçe adam öýüni terk etdi.