Liwanyň Saglygy goraýyş ministrliginden berilen ýazmaça beýanatda, Ysraýylyň Liwanyň günortasyndaky Taýrdaba şäherçesine guran howa hüjüminde 3 adamyň ýogalandygy habar berildi.
Liwanyň resmi habarlar agentligi NNA tarapyndan berilen habarda, Ysraýylyň Habbuş şäherçesindäki öýleriň birine guran howa hüjüminde 4 adamyň ýogalandygy we öýüň dolulygyna ýumrulandygy mälim edildi.
Hökümede degişli Gyssagly ýagdaýlar komitetiniň habarnamasynda, Ysraýylyň soňky 24 sagatda aglabasy ýurduň günortasynda bolmak bilen Liwanyň biri-birinden tapawutly sebitlerine 138 howa hüjümini gurandygy aýan edildi.
Habrnamada hüjümleriň başlan gününden bäri guralan howa hüjümleriniň sanynyň 10150-ä ýetendigi beýan edildi.
Liwanyň Saglygy goraýyş ministrliginden düýn berilen beýanatda, Ysraýylyň 2023-nji ýylyň 8-nji oktýabryndan bäri guran hüjümlerinde 104-i çaga we 194-i zenan bolmak bilen jemi 2 müň 367 adamyň ýogalandyy, 11 müň 88 adamyň hem ýaralanandygy habar berildi.