Ysraýylyň Liwanyň günortasyna we gündogaryna guran soňky hüjümlerinde 18 adam ýogaldy.
Liwanyň resmi NNA habarlar gullugynyň berýän habaryna görä, ýurduň günortasyndaky Sur, Saýda we Nebatiýa etraplary bilen gündogardaky Bekaa jülgesine guralan hüjümlerde 18 adam ýogaldy.
Ysraýylyň hüjümleri sebäpli ýurduň günortasyndaky Sur şäheriniň Sarife etrapçasynda 3 adam ýogaldy.
Saýda şäheriniň Seksekiýýe etrapçasynda hem hüjümler sebäpli 7 adam ýogaldy, 7 adam hem ýaralandy.
Liwanyň Saglygy goraýyş ministrligi Ysraýylyň guraýan hüjümlerinde çekilen adam pidasy hakynda maglumat berdi.
Beýannama görä, Ysraýylyň 2023-nji ýylyň 8-nji oktýabryndan bäri Liwana guraýan hüjümlerinde ýogalanlaryň sany 3 müň 243, ýaralananlaryň sany hem 14 müň 134 adama ýetdi.