Ysraýylyň harby goşunyna degişli “Hermes 900” kysymly uçarmansyz howa ulagynyň Liwanyň günortasynda urlup düşürlendigi habar berildi.
Liwanyň köpçülikleýin habar beriş serişdeleriniň berýän habaryna görä, Liwanyň howa giňişligine giren Ysraýyla degişli uçarmansyz howa ulagy, ýurduň günortasyndaky Reýhan etrapçasynda urlup düşürildi.
Uçarmansyz howa ulagynyň Hizbullah tarapyndan urlup düşürlendigi nygtaldy.
Hizbullah tarapyndan mesele hakynda heniz hiç hili beýannama berilmedi.
Ysraýylyň harby goşunyndan berlen ýazmaça beýannamada, uçarmansyz howa ulagynyň gury ýerden atylan raketa arkaly Liwanda urlup düşürlendigi nygtaldy.