Ysraýylyň harby goşunynyň düýn agşam Gaza Sektorynda guran hüjümlerinde 29 palestinaly öldürildi
Ysraýyl düýn gije Gazanyň demirgazygyndaky Jibaliýa bosgun düşelgesini, günortadaky Han Ýunusy we şäheriň merkezindäki Nusaýrat bosgun düşelgesini bombalamaga dowam etdi.
Kemal Adwan hassahanasynyň berýän maglumatyna görä, Jibaliýanyň Al Faluja etrapçasynda bir öýe guralan hüjümde 4, Gaza şäherinin Az-Zeýtun etrapçasynda Ad-Dahduh maşgalasynyň öýüne guralan hüjüminde bolsa 3 palestinaly ýgoaldy.
Palestinanyň WAFA habarlar gullugynyň berýän habaryna görä bolsa Han Ýunusyň Beni Süheýle etrapçasynda öýlerini terk edenleriň bolýan düşelgesinde 10, Al Fuhari etrapçasynda bolsa 7 adam Ysraýylyň hüjümleri sebäpli ýogaldy.
Nusaýrat bosgun düşelgesiniň günbatarynda bir öýe guralan hüjümde bolsa 5 palestinaly ýogaldy.