Palestinanyň Saglygy goraýyş ministrliginden berilen beýanata görä Ysraýylyň harby uçarlary Tulkerim bosgun düşelgesindäki kafeleriň birine howa hüjümini gurady.
Hüjümde 18 adamyň ýogalandygy, köp sanda adamyň ýaralanandygy mälim edildi.
Beýleki tarapdan UNRWA guramasynyň baş komissary Filipp Lassarini sosial media hasabyndan Ysraýylyň Gazadaky mekdeplere guraýan hüjümleri barada maglumat berdi.
Lassarini Ysraýylyň goşunynyň soňky 2 günde Gazada öz ýaşaýan ýerlerinden göçürilen palestinalylaryň sygynan UNRWA degişli 3 aýry mekdebe hüjümleriň guralandygyny aýan etdi.
Hüjümlerde azyndan 21 adamyň ýogalandygyny aýdan Lassarini nyşana alynan mekdeplerde 20 müňden gowrak palestinalynyň galýandygyny habar berdi.