Ysraýylyň goşunynyň Refah şäherindäki hüjümlerinde aralarynda zenanlar we çagalar hem bolan azyndan 25 palestinaly ýogaldy.
Ýogalan palestinalylaryň arasynda habarçy Adil Zarab hem bar. Ysraýylyň hüjümlerinde 7-nji oktýabrdan bäri ýogalan palestinaly žurnalistleriň sany 96-a ýetdi.
Ysraýylyň goşuny Refah şäheri bilen birlidke Nuseýrat bosgun düşelgesini, Han Ýunus we Deýr Belah sebitlerini hem bombalady.
Ysraýylyň 7-nji oktýabrdan bäri dowam etdirýän hüjümlerinde 22 hassahana we 53 saglygy goraýyş merkezi hatardan çykaryldy, saglygy goraýyş guramasynyň 300 işgäri öldürildi, 90 mekdep we uniwersite ulanyp bolmajak ýagdaýa geldi.
Gazada bolsa ýaragly çaknyşyklar dowam edýär.
Kassam topary ysraýylly esgerleri daşaýan ulaglaryň birini nyşana alyp guran hüjüminiň wideosyny paýlaşdy. Han Ýunus şäheriniň gündogarynda guralan hüjümde tanka garşy gönükdirilýän ýarag ulanyldy.
Hüjümiň netijesinde ýogalan we ýaralanan ysraýylly esgerleriň bardygy mälim edildi. Ysraýyl Gazadaky çaknyşyklarda ýene-de 2 esgeriniň ölendigini habar berdi. Soňky 1 günde ölendigi habar berilen ysraýylly esgerleriň sany 7-ä ýetdi.
Ot açmazlyk ýaraşygy bolsa ýaňadandan gün tertibe geldi.
ABŞ-nyň Ak Tamyň Milli howpsuzlyk geňeşiniň metbugat sekretary Jon Kirbi täze ýaraşygyň baglaşylmagynyň güntertipdedigini mälim etdi.
Hamas bolsa Gazada Ysraýylyň hüjümlerini bes etmek şerti bilen ýesir alyş-çalyş tapgyryna taýardyklaryny beýan etdi.
Ysraýylyň 7-nji oktýabrdan bäri dowam etdirýän hüjümlerinde 19 müň 453 palestinaly ýogaldy, 52 müň 286 palestinaly bolsa ýaralandy.
Ysraýylyň goşuny Gaza sektoryna garşy 7-nji oktýabrda başladan hüjümlerinden bäri 129-y gury ýer hüjümlerinde bolmak bilen jemi 461 esgeriniň öldürilendigini aýan etdi.
Ynsanperwer arakesme tapgyrynda 81 ysraýylly we 240 palestinaly ýesir azat edilipdi.