Palestinanyň resmi habarlar agentligi WAFA tarapyndan berilen habara görä, Ysraýylyň harby uçarlary Gaza şäheriniň merkeziniň gündogaryndaky Sahabe etrapçasynda 2 aýry öýi bombalady.
Hüjümlerde azyndan 5 palestinaly ýogaldy, köp sanda palestinaly ýaralandy.
Ysraýylyň harby uçarlarynyň Gaza şäheriniň gündogarynda ýerleşýän Ad-Durj etrapçasyndaky öýleriň birini bombalamaklary netijesinde bolsa aralarynda zenanlar we çagalar hem bolan azyndan 6 adam ýaralandy.
Ysraýyl Gaza zolagynyň merkezindäki Al-Migraka etrapçasynda bolsa köp sandaky binany partlaýjylar bilen ýumurdy.
Gazadaky halk hem goranyş toparlaryň kömegi bilen Ysraýylyň Han Ýunus şäheriniň gündogaryndaky Beni Süheýla etrapçasynda bombalan öýleriň harabalyklarynyň aşagyndan köp sanda adamyň jesedini çykardylar.