Palestinanyň WAFA habarlar agentliginiň berýän habaryna görä, Ysraýylyň harby uçarlary we toplary Gaza we Rafah şäherlerine hüjümlerini arakesmesiz ýagdaýda dowam etdirýär.
Gaza şäheriniň Derej etrapçasyndaky Sahat aş-Şewwa, al-Belde al-Kadime diýilýän ýerlere Ysraýylyň harby uçarlary, şäheriň günortasyndaky Sabra etrapçasyndaky uniwersitetiň töweregine bolsa toplar bilen hüjümler guraldy.
Hüjümleriň netijesinde ýogalan we ýaralanan adamlaryň bardygy mälim edildi.
Rafah şäherindäki Brazil etrapçasynada Ysraýylyň harby uçarlary tarapyndan guralan hüjümleriň netijesinde ençeme öýe zeper ýetdi, köp sanda adam ýaralandy.
Nusaýrat bosgun düşelgesiniň demirgazygyndaky Zehra we Migraka etrapçalary, Zeýtun etrapçasy Ysraýylyň toplary tarapyndan hüjümler guraldy.
Ysraýylyň harby güýçleri Rafah şäheriniň günbataryny toplar bilen nyşana aldy, ses we tüsse bombalaryny ulandy.