ABŞ-nyň Axios habar platformasynyň ysraýylly 3 resmä esaslanyp beren habarynda, hüjümleriň nyşanasynda 27-nji sentýabrda ödlürilen Hizbullahyň lideri Hasan Nasrallahyň bolup biljek mirasdüşeri Haşim Safiýuddiniň bolandygy öňe sürüldi.
Habarda 27-nji sentýabrda bolan partlamalardan has güýçli bolan hüjümleriň netijesiniň entek kesgitlenmändigi, Ysraýyldan bolsa mesele bilen bagly entek beýanat berilmändigi habar berildi.
Beýleki tarapdan Liwanyň we Siriýanyň arasyndaky Al-Masna gümrük geçelgesi hem Ysraýylyň goşunynyň howa hüjümine sezewar galdy.
Hüjümde ýogalan we ýaralanan adamlaryň bolup-bolmandygy barada entek maglumat berilmedi.
Beýleki tarapdan Liwanyň Saglygy goraýyş ministrliginden berilen ýazmaça beýanatda, Ysraýylyň soňky 24 sagatda guran hüjümlerinde 37 adamyň ýogalandygy, 151 adamyň ýaralanandygy mälim edildi.