7-nji oktýabrdan bäri Gaza Sektoryna guraýan hüjümlerini dowam etdirýän Ysraýyla 35 müň tonna ýarag we ok-däri geldi.
Ysraýylyň Haýom gazetinde berlen habarda, 7-nji oktýabrdan bäri ýurda esasy bölegi ABŞ-dan bolmak bilen birnäçe ýurtdan 300-den gowrak uçar we 50 gämi bilen 35 müň tonna ýarag we ok-däriniň gelendigi nygtaldy.
Habarda, Ysraýylyň ýaraglarynyň esasy bölegini ABŞ-dan almaga dowam edýändigi ýatladyldy.
ABŞ-dan berilýän ýaragyň Gaza Sektoryna garşy guraýan hüjümlerini dowam etdirýän Ysraýylyň harby goşunyna açyk aýdyň goldaw berýändigini görkezýändigine üns çekildi.
Habarda, Ysraýylly ýokary derejeli ýolbaşçylardan biriniň resmi Waşington bilen Tel-Awiwiň arasynda Gaza meselesinde artýan dartgynlyk sebäpli ABŞ-nyň Ysraýyla berýän ýaraglarynyň azalmagyna sebäp bolmagyna alada bildirýändigi ýatladyldy.
Ysraýylyň Gaza Sektoryna garşy 7-nji oktýabrdan bäri guraýan hüjümlerinde esasy bölegi çagalardan ybarat 32 müňe golaý adam ýogaldy.