Siriýanyň resmi habarlar agentligi SANA tarapyndan berilen habara görä, binalaryň biriniň nyşana alynan hüjümde asuda ilatdan azyndan 3 adam ýogaldy.
Şäheriň Mezze etrapçasynda guralan hüjümde şeýle hem 3 adam ýaralandy.
Ysraýylyň harby güýçleriniň ýekşenbe güni şäheriň Mezze etrabynda birnäçe harby nokada howa hüjümlerini gurandygy habar berilipdi.
Ysraýyla degişli harby uçarlaryň Siriýanyň Latakiýa welaýatynyň Jeble etrabynda hem birnäçe hüjüm gurandygy öňe sürüldi.
Ysraýyl içerki uruşyň başlan ýyly bolan 2011-nji ýyldan bäri Siriýada wagtal-wagtal Eýran tarapyndan goldanýan toparlara we Siriýanyň goşunyna degişli harby nokatlara hüjümler guraýar.