Liwanyň Saglygy goraýyş ministrliginedn berilen ýazmaça beýanata görä, Ysraýylyň goşunyna degişli harby uçarlar, Sur şäheriniň Syddykin etrabyndaky lukmançylyk merkezini nyşana alyp hüjüm guradylar. Hüjümde 1 adam ýogaldy, 1 adam ýaralandy.
Ysraýylyň goşunynyň ýurduň günortasyndaky Ensar şäherçesinde öýleriň birine guran howa hüjüminde bolsa 2 adam ýogaldy.
Mifidun şäherçesine guralan howa hüjüminde bolsa 5 adam ýogaldy, 1 adam ýaralandy.
Ysraýylyň goşunynyň Liwanyň günortasyndaky Nebatyýe welaýatynyň Sarbin etrabyna guran howa hüjüminde saglygy goraýyş edarasynyň 4 işgäri bilen asuda ilatdan ençeme adam ýaralandy.
Ýurduň günortasyndaky Marub etrapçasynda guralan hüjümde bolsa 2-siniň saglyk ýagdaýy agyr bolmak bilen jemi 4 adam ýaralandy.