Ysraýylyň harby goşunynyň 4 gün ozal Han Ýunusa guran hüjüminde nyşana alynan öýüň harabalygyndan 11 adamyň jesedi çykaryldy.
Ysraýylyň 21-nji awgustda Gaza Sektorynyň günortasynda ýerleşýän Han Ýunusyň günbataryna guran hüjüminde nyşana alynan öýüň harabalygynda gözleg we halas ediş işleri dowam edýär.
Abu Hedrus maşgalasynyň ýaşaýan öýüniň harabalygyndan häzire çenli 11 palestinalynyň jesedi çykaryldy.
Ysraýylyň harby goşunyna degişli harby uçarlar, 21-nji awgustda Abu Hedrus maşgalasynyň ýaşaýan öýüni bombalapdy.
Han Ýunusa giren we birnäçe günden bäri hüjüm guraýan ysraýylly esgerler, düýn şäheriň demirgazygyndan we günbataryndan çekilip gündogara tarap gönükdi.
Ysraýylly esgerleriň çekilen ýerlerinde, palestinalylara degişli öýleriň harabalyga öwrülendigi ýüze çykdy.
Ysraýylly esgerler, Han Ýunus şäheriniň demirgazygynda ýerleşýän onlarça ýaşaýyş ýerini ýer bilen ýegsan edipdir.