Ysraýylyň harby goşuny tarapyndan soňky 10 günde Gaza Sektoryna guralan hüjümde 649 palestinaly ýogaldy.
Gazadaky Palestinanyň Saglygy goraýyş ministrliginden berlen beýannamada, Ysraýylyň 190 günden bäri Gaza Sektoryna garşy guraýan hüjümleri hakynda maglumat berildi.
Beýannamada, Ysraýylyň howpsuzlyk güýçleriniň soňky 24 sagatda ýene-de 52 palestinalyny öldürendigi nygtaldy.
Beýannamada soňky 10 günde ýene-de 649 palestinalynyň öldürlendigi, Gazada ýogalanlaryň sanynyň jemi 33 müň 686 adama ýetendigi ýatladyldy.
Beýannamada, soňky hüjümlerde Ysraýylyň howpsuzlyk güýçleriniň ýene-de 95 palestinalyny ýaralandygy we jemi ýaralananlaryň sanynyň 76 müň 309 adama ýetendigi bellenildi.
Gazadaky Palestinanyň Saglygy goraýyş ministrliginiň görkezijilerine görä, Ysraýylyň harby goşunynyň howa, gury ýer we deňiz ýoly arkaly Remezan baýramynda guran hüjümlerinde 3 günde esasy bölegi çagalardan we zenanlardan ybarat 274 palestinaly öldürildi, 221 adam hem ýaralandy.