Gazadaky Palestinanyň Saglygy goraýyş ministrliginden berlen beýannamada, Ysraýylyň 2023-nji ýylyň 7-nji oktýabryndan bäri, ýagny 457 gün bäri Gaza zolagyna garşy guraýan hüjümleri hakynda maglumat berildi.
Beýannamada, Ysraýylyň harby goşunynyň soňky 24 sagatda Gazada amala aşyran 5 aýry gyrgynçylygynda ýene-de 88 palestinalynyň ýogalandygy, 208 palestinalynyň hem ýaralanandygy nygtaldy.
Beýannamada, Ysraýylyň harby goşunynyň Gaza zolagyna garşy 2023-nji ýylyň 7-nji oktýabryndan bäri guraýan hüjümlerinde ýogalanlaryň sany 45 müň 805 adama, ýaralananlaryň sanynyň bolsa 109 müň 64 adama ýetendigi ýatladyldy.
Beýannamada mundan başgada ýumrulan binalaryň harabalyklarynyň arasynda we ýoluň gyralarynda ýogalan adamlaryň jesetleriniň bardygy, emma ysraýylly esgerleriň päsgel bermegi sebäpli şol jesetleriň ýygnalyp bilinmeýändigi aýan edildi.
Ysraýylyň 2023-nji ýylyň 7-nji oktýabryndan bäri basyp alyşlyk astyndaky Günbatar Şeriada we Gündogar Iýerusalimde palestinalylara garşy göz tussaglyklary, reýdleri we hüjümleri artýar.
Ysraýylly esgerler basyp alyşlyk astyndaky Günbatar Şerianyň tapawutly şäherlerinde geçiren reýdlerinde aralarynda çagalar hem bolan 20 palestinaly göz tussaglygyna alyndy.
Günbatar Şeriada we Gündogar Iýerusalimde 2023-nji ýylyň 7-nji oktýabryndan bäri ysraýylly esgerler bilen palestinalylaryň topraklaryny ellerinden alan ysrayllylar tarapyndan guralan hüjümlerde 167-si çaga jemi 836 palestinaly ýogaldy.