“Yslam döwleti” ekstremist topary Owganystanda baş bäsdeşi bolan “Talyban” hereketine garşy uruş yglan etdi diýip, “Афганистан.ру” neşiri habar berýär.
YD-a eýerijileriň talyplara garşy çykandygy baradaky maglumat, toparyň komandirleriniň birine salgylanylyp, habar serişdelerinde peýda boldy. YD-nyň wekili talyplaryň “yslama ikilik edýändiklerini” aýtdy. YD-nyň lideri öz hereketiniň agzalaryny “talyban” hereketiniň agzalary bilen haklaşmaga, olaryň emläklerini basyp almaga çagyrdy.
Ýatladýarys, “Talyban” jeňcileri we “Yslam döwleti” topary özara duşmançylyklaryny baryp 2015-nji ýylda aýan etdiler. Iki toparyň söweşijileri soňky birnäçe ýylda propaganda serişdeleri arkaly-da, bir-biregiň söweşijilerini gabawa salyp, käte bolsa göni ýaragly çaknyşyklar netijesinde özara söweş alyp barýarlar.
YD-nyň söweşijileriniň ýene bir gezek jihat yglan etmegi Owganystanyň dürli etraplarynda ýaragly çaknyşyklaryň täze tolkunynyň bat aljagyndan we ýerlerde durnuklylygyň bozuljagyndan habar berýär. Geçmişde ozal duşmançylykly toparlaryň söweşijileriniň öz bolýan territoriýalryndaky ýerli ýaşaýjylara hüjüm eden halatlarty hem boldy.
Ýatlaýdýarys, 20-nji iýunda YD söweşijileri Owganystanyň demirgazgynda, Türkmenistan bilen araçäkde ýerleşýän Jowuzjan welaýatynyň demirgazyk-günbatar ertabyny basyp aldylar.