ABŞ-nyň Goranmak ministrligi Pentagon, Yrakadaky esgerlerini yzyna çekmek ýaly meýilnamalarynyň ýokdygyny mälim etdi.
Pentagynyň metbugat sekretary Patrik Raýder gündelik metbugat ýygnagynda žurnalistleriň soraglaryna jogap berdi.
“Çekilmek meselesinden habarym ýok” diýen Raýder, terror guramasy DEAŞ-a garşy alyp barýan göreşlerini dowam etdirýändiklerini nygtady.
Raýder, Yragyň hökümetinden gelen çakylygyna laýyklykda sebitde iş alyp barýandyklaryna ünsi çekdi.
Eýrana ýakyn Haşdi Şaba tabynlykdaky şaýy söweşiji Nujebe hereketiniň liderlerinden Abu Takwa Saidiniň 4-nji ýanwar Bagdatda ABŞ-nyň guran howa hüjüminde öldürlendigi habar berlipdi.
Yragyň hökümeti hüjümlerden terror guramasy DEAŞ-a garşy döredilen ABŞ-nyň öňbaşçylygyndaky hyzmatdaş güýçleriniň jogapkärdigini mälim edipdi.
Yragyň Premýer-ministri Muhammed Şiýa as Sudani 5-nji ýanwarda beren beýannamasynda, ABŞ-nyň Bagdatda Haşdi Şaba garşy guran hüjümini ýazgaryp, “Hökümet hökmünde hyzmatdaş güýçleriniň işleriniň bes edilmegi üçin degişli gepleşikleri geçirilýäris” diýipdi