Yrakda iki günden bäri ýagýan ýagyşlar bilen gelen sil sebäpli ýurduň iň uzyn köprüsi bolan Dakuk köprüsiniň bir bölegi çökdi.
Kerkugyň ýol we köpri edarasynyň müdüri Kasym Hamza, aşa köp ýagýan ýagyşlar bilen gelen sil sebäpli Kerkuk-Bagdat gara ýoluny birleşdirýän Dakuk köprüsiniň bir böleginiň çökendigini mälim etdi.
Ady agzalýan liniýada birnäçe köprüniň bardygyny nygtan Hamza, emma Dakuk etrabynda ýerleşýän we bir kilometr uzynlygyndaky ýurduň iň uzyn köprüsi bolan Dakuk köprüsiniň diýseň möhümdigine ünsi çekdi.
Hamza 23 aýagy bolan köprüniň soňky iki günden bäri aşa köp ýagýan ýagyşlar sebäpli suwyň mukdaryny köpelendigini we köprüniň 5 aýagyna uly zeper ýetirlendigini belledi.
Hamza agyr ýük ulaglarynyň köprüden geçmeginiň gadagan edilendigini ýatlatdy.