Yragyň demirgazygynda “Penje Gulp” operasiýasy zolagynda 16-njy noýabrda terror guramasy tarapyndan od açylandygy sebäpli agyr ýaralanan esger Eren Kyzyldag bejergi alýan hassahanasynda şehit boldy.
Milli Goranmak ministrliginden berlen beýannamada, Kyzyldagyň 16-njy noýabrda Yragyň demirgazygynda “Penje Gulp” operasiýasy zolagynda terror guramasy tarapyndan od açylandygy sebäpli agyr ýaralanandygy we Gülhane hassahanasynda bejergi astyna alynandygy nygtaldy.
Beýannamada, bejergisi dowam eden esger Kyzyldagyň halas edilip bilinmändigi we düýn şehit bolandygy ýatladyldy.
Beýannamada, “Bizi çuňňur gynandyran bu wakada ýogalan eziz şehidimize Alladan rehnet, hossarlaryna, Türk ýaragly güýçlerine we halkymyza gynanç bildirýäris we sabyr dileýäris” diýildi.