Indoneziýada “altyn wizalar” ornaşdyrylýar. Olaryň çykarylmagy ýakyn hepdelerde başlap biler diýip, ýurduň syýahatçylyk we kreatiw ykdysadyýet ministri Sandiaga Uno aýtdy.
“Altyn wizalar” daşary ýurt raýatlaryna Indoneziýada uzak wagtlap – bäş ýyldan on ýyla çenli ýaşamaga mümkinçilik berer. Emma bu hyzmat diňe ynamdar myhmanlar üçin elýeterli bolar. Olaryň hasaplarynda ýeterlik mukdarda pul serişdeleriniň bolmagy bilen birlikde, başga-da birnäçe ülňülere laýyk gelmeli bolarlar.
“Häkimiýetler bu innowasiýanyň ýurtda syýahatçylygyň ösmegine goşant goşjakdygyna ynanýarlar. Mundan başga-da, “altyn wizalar” daşary ýurt maýadarlaryny özüne çekip biler” diýip, “Detik” portaly habar berýär.
Häzirki wagtda bu ýurtda 30 günden köp bolmadyk bir gezeklik giriş wizasynyň bahasy 35 dollar.