Berkarar döwletiň täze eýýamynyň Galkynyşy döwründe Türkmenistanyň Medeniýet ministrliginiň, Türkmenistanyň Bilim ministrliginiň hem-de Maýa Kulyýewa adyndaky Türkmen milli konserwatoriýasynyň bilelikde tassyklan meýilnamasy esasynda Maýa Kulyýewa adyndaky Türkmen milli konserwatoriýasynda Berkarar döwletiň täze eýýamynyň Galkynyşy döwründe Türkmenistanda saz biliminiň we ýerine ýetirijilik sungatynyň wajyp meseleleri atly ylmy-usuly maslahat geçirildi.
Ylmyusuly maslahat Maýa Kulyýewa adyndaky Türkmen milli konserwatoriýasyn uly konsert zalynda öz işine başlady. Maslahatyň umumy mejlisini Maýa Kulyýewa adyndaky Türkmen milli konserwatoriýasynyň rektory, sungaty öwreniş ylymlarynyň kandidaty R.H.Amangeldiýew açdy hem-de ony alyp bardy.
Yzygiderlikde Türkmen kompozitorlarynyň we türkmen fortepiano ýerine ýetirijileriniň aragatnaşygy we aýratynlyklary diýen temada Maýa Kulyýewa adyndaky Türkmen milli konserwatoriýasynyň Ýörite fortepiano kafedrasynyň dosenti, Türkmenistanyň halk artisti Orazgül Annamyradowa, Türkmen wokal sungatyny millileşdirmegiň esaslary diýen temada Türkmenistanyň hormatly il ýaşulusy, Maýa Kulyýewa adyndaky Türkmen milli konserwatoriýasynyň Ýekelikde aýdym aýtmak kafedrasynyň professory, Türkmenistanyň halk artisti Atageldi Garýagdyýew, Hora dirižýorlyk etmekde talyplaryň ýerine ýetirijilik derejesini kämilleşdirmäge degişli maslahatlar diýen temada Lebap welaýat ýörite sungat mekdebiniň Hor dirižýorlygy bölüminiň mugallymy, Türkmenistanyň halk artisti Bäşim Berdiýew, Saz pedagogikasynda okatmagyň adaty we innowasion görnüşleri diýen temada Sahy Jepbarow adyndaky Arkadag şäher Ýörite sungat mekdebiniň Sazyň taryhy we nazaryýeti hem-de Fortepiano bölümleriniň müdiri Elmira Oweniýazowa, Dutar sazlaryny öwretmekde halypa-şägirt däpleriniň iki ugry hakynda diýen temada Maýa Kulyýewa adyndaky Türkmen milli konserwatoriýasynyň Türkmen sazy kafedrasynyň professory, Türkmenistanyň halk artisti Ýolaman Nurymow, Ýaş nesli terbiýelemekde saz sungatynyň ähmiýeti diýen temada Maýa Kulyýewa adyndaky Türkmen milli konserwatoriýasynyň Üflenip we kakylyp çalynýan saz gurallary kafedrasynyň dosenti, Türkmenistanyň at gazanan bilim işgäri Berdinyýaz Rejepmedow dagylar ylmy-usuly çykyşlary bilen maslahata gatnaşyjylarda gyzyklanma döretdiler.
Maslahatyň dowamynda soragjogap hem alşyldy.Bu bolsa maslahatyň örän netijeli bolandygyna şaýatlyk edýär.
Berkarar döwletiň täze eýýamynyň Galkynyşy döwründe Türkmenistanda saz biliminiň we ýerine ýetirijilik sungatynyň wajyp meseleleri atly ylmy-usuly maslahat öz işini tamamlady.Maslahatyň ýapylyşynda bölümçeleriň ýolbaşçylary, oňa gatnaşyjylar ylmy-usuly maslahatyň örän täsirli, peýdaly, netijeli geçendigini, maslahatyň dowamynda örän täsirli ylmy çykyşlaryň bolandygyny, bu bolsa Gahryman Arkadagymyzyň, Arkadagly Gahryman Serdarymyzyň türkmen aýdymsaz medeniýetini, milli sungatymyzy gorap saklamakda, ony ösdürip, dünýä ýaýmakda, ýaşlarymyzy milli ruhda terbiýelemekde, giň dünýägaraýyşly hünärmenleri ösdürip ýetişdirmekde, alyp barýan syýasatlaryny amala aşyrmakda uly goldaw boljakdygyny aýtdylar.
Şeýle ajaýyp maslahatlary geçirmäge, berýän goldawy üçin Gahryman Arkadagymyza, Arkadagly Gahryman Serdarymyza köp-köp sagbolsunlar aýdylyp, janlarynyň sag, ömürleriniň uzak bolmagyny arzuw etdiler.