AZIÝA KUBOGY 2015 Aziýa çempionatlarynyň taryhyndan
Futbol boýunça 16-njy Aziýa Kubogy 2015-nji ýylyň 931-nji ýanwary aralygynda AFK-nyň hataryna 2006-njy ýylda goşulan Awstraliýada geçirilýär. Ýurduň 5 şäherindäki stadionlarda oýnalan çempionata 16 ýygyndy gatnaşýar. Şol 16 toparyň 14-si 2011-nji ýyldaky ýaryşda-da çykyş edip, beýlekisi Oman bilen ilkinji sapar gatnaşan Palestinanyň ýygyndylarydyr.“A” toparçada ýer eýeleri Awstraliýanyň ýygyndysy Günorta Koreýanyň, Kuweýtiň hem-de Omanyň milli toparlary bilen güýç synanyşýar.
Awstraliýa ilkinji 2 oýnunda-da 3 utugy 4 gol bilen gazanýar. Ýagny Kuweýti 41, Omany 40 ýeňýär.Günorta Koreýa Omany-da, Kuweýti-de 10 hasabynda utýar.Günorta Koreýa bilen Awstraliýanyň arasyndaky oýunda-da ýeňiş yklymyň köne agzasynyň tarapynda bolýar. Ýeke-täk goly Li Žun-hýup derwezä girizýär.
Toparçada G.Koreýa 9, Awstraliýa 6 utuk toplaýar.“B” toparçada Hytaýyň ýygyndysy-da edil koreýler ýaly 3 duşuşygynda-da ýeňiş gazanýar.Olar Saud Arabystanyny Ýu Hainiň ýeke-täk goly bilen 10, Özbegistany we Demirgazyk Koreýany-da 21 ýeňýärler.
Soňky 2 oýunda hytaýly Sun Ke 3 gol geçirýär. Özbekler Demirgazyk Koreýany Sergeýewiň goly bilen 10, Saud Arabystanyny-da Raşidow (2) hem-de Şodiýewiň pökgüleri esasynda 31 utup, toparçada 2-nji ýeri eýeleýär.“C” toparçada Eýranyň ýygyndysy-da ýeňlişsiz çärýek finala çykýar.
Olar Bahreýnden Hajsafi we Şojaeiniň gollary bilen 20 üstün çykýar.Soňky oýunlarynda-da minimal hasap (10) bilen Katary hem-de BAE-ni ýeňlişe sezewar edýär.Bu oýunlarda Serdar Azmun hem-de Reza Ghooçannežad Eýrana ýeňiş getiren oýunçylar bolýar. 3-nji duşuşygynda Eýrandan utulan hem bolsa, BAE-niň ýygyndysy 12-nji oýunlarynda ilki Katary 41, soňra-da Bahreýni 21 ýeňip, 6 utuk toplaýar we çärýek finala çykýar.“D” toparçada yklymyň iň köp çempion bolan topary ýaponlara ýeňlişsiz çärýek finala çykmak o diýen kyn düşmeýär.
Günüň dogýan ýurdunyň futbolçylary çempionatyň debýutanty Palestinany 40 utýar.Yragy Hondanyň penalti goly bilen 10 ýeňen ýaponlar Iordaniýany hem ýene-de Honda we Kagawanyň pökgüleri bilen 20 ýeňlişe sezewar edýär.
Toparçada 2-nji orny eýelän Yragyň ýygyndysy Iordaniýany 10, Palestinany-da 20 utýar.Şu çempionatda toparçalardaky oýunlaryň iň esasy aýratynlygy-da ýekeje duşuşygyň-da deňlikde gutarmanlygydyr.Toparçada 1-nji ýeri eýelänler 9, ikinjiler 6, üçünjiler 3 utuk toplasa, 4-nji bolanlara utuk gazanmak başartmaýar.Çärýek finalda Günorta Koreýanyň ýygyndy Özbegistany Son Hyn-miniň 104-nji we 109-njy minutlardaky gollary bilen 20 hasabynda ýeňýär we 10-njy sapar ýarym finala adyny ýazdyrýar. Şol hasap bilen Awstraliýanyň ýygyndysy Hytaýdan üstün çykýar. 2 topy-da Tim Kahill derwezä girizýär.
Beýleki 2 duşuşykda ýeňijiler penaltilerden soň kesgitlenip, garaşylmadyk toparlar ýoluny dowam edýär.Eýran bilen Yragyň arasyndaky oýnuň esasy wagty 11 deňlikde gutarýar.Goşmaça 30 minutda-da her topar ýene-de 2 gol geçirýär (33; Azmun 24, Puraliganji 103, Ghooçannežad 119 — Ýasin 56, Mahmud 93, Ismail 116 p).
Netijede, penaltilerde 76 öňe saýlanan Yragyň ýygyndysy 3-nji gezek ýarym finalçy bolýar. Ýaponiýa bilen BAE hem esasy wagtda biri-birinden üstün çykyp bilmeýär (11, Şibasaki 81 — Mabhut 7).
Penaltilerde 54 hasabynda araplar ýeňiş gazanýar.Ýarym finalyň 2 duşuşygy-da 20 hasabynda tamamlanýar.Günorta Koreýa Yragy Li Žun-hýupuň (20) we Kim Ýun-gwonuň (50), Awstraliýa-da BAE-ni Sainsburi (3) hem-de Dawidsonyň (14) gollary bilen ýeňýär.Final duşuşygyndan 1 gün öň ýarym finalda utulan BAE bilen Yrak 3-nji ýer üçin duşuşýar. Çekeleşikli geçen oýun 32 hasabynda BAE-niň peýdasyna tamamlanýar (Halil 16, 51, Mabhut 57 p — Salem 28, Kalaf 42).
Bu olaryň ilkinji bürünç medaly bolýar.31-nji ýanwarda Sidneýdäki “Awstralia” stadionynda ýer eýeleri Awstraliýa bilen Günorta Koreýanyň arasyndaky finala eýranly Alireza Fagani eminlik edýär.Duşuşygyň 45-nji minutynda Luongo ýer eýelerini öňe saýlaýar. Şu hasap bilenem tamamlanar diýlen duşuşygyň 90+1-nji minutynda Son Hyn-min hasaby deňleýär. Ýöne 105-nji minutda Jeýms Troisi Awstraliýa taryhy ýeňiş getiren oýunçy bolýar. Şeýlelikde, ikinji gezek gatnaşanda, kümüş medal alan Awstraliýa 3-nji synanyşygynda çempionlyk gazanýar.
Olar yklymyň çempionlyk gazanan 8-nji topary bolýar.Çempionatda 5 gol geçiren BAE-li Ali Mabhut “Altyn butsy” bilen sylaglanýar. Ýaryşyň iň ökde oýunçysy diýlip, Awstraliýadan Massimo Luongo saýlanýar.