10-12-nji noýabrda ÝHHG-niň Aşgabatdaky edarasynda KHS-de koronawirus ýokanjy we saglyk bilen bagly beýleki meseleler babatda onlaýn-sapak geçirildi.
Bu ýygnaga metbugat, radiýo-telewideniýe we onlaýn-KHS-niň jurnalistleri, Saglygy saklaýyş ministrliginiň wekilleri, DIM-niň halkara gatnaşyklar Institutynyň, Magtymguly adyndaky döwlet uniwersitetiniň, gumanitar ylym we ösüş Halkara uniwersitetiniň jurnalistika fakultetleriniň mugallymlary gatnaşdylar.
Ysraýylly we Russiýaly bilermenler jemgyýetçiligiň saglygyny, şol sanda, ýokanjy şöhlelendirmekde profesiýonal ölçegler we jurnalistleriň borçlary barasynda maglumatlary hödürlediler.
“Şol sanda, KHS-i ilatyň COVID-19 barada maglumatlara eýe bolmagyny ösdürmekde iň esasy gural bolup, ýokanç jurnalistleriň öňünde täze wezipeleri goýdy.
Has dogrusy: myş-myşlary hem ýalan maglumatlary iň pes derejä ýetirmek üçin ygtybarly maglumatlary ýaýratmaly we ilatyň arasynda dowulyň döremeginiň öňüni almaly, şeýlede keseliň ýaýramagynyň öňüni almak üçin adamlaryň özüni alyp baryşyna hem gatnaşyklaryny üýtgetmegine kömek etmeli” diýip ÝHHG-niň Aşgabatdaky edarasynyň syýasy meseleler boýunça maslahatçysy Wilýam Lif aýdýar.
Türkmen häkimiýetleri ýurtda koronawirusa ýoluganyň bardygyny iki ýyl bäri inkär edip gelýärler.
Türkmenistandaky halkara guramalaryň wekilleri hem häkimiýetleriň pozisiýalaryna garşy durmaýarlar.
8-nji noýabrda Bütindünýä Saglyk guramasynyň adatdan daşary ýagdaýlar boýunça baş barlagçysy Kesrin Smolwud BBC-ýe beren interwiýusynda “Eýýäm,iki ýyl bäri dünýäde COVID-19 ýokanjy ýaýraýar.
Ylmy nukdaý nazardan, ýokanjyň Türkmenistanda ýokdygyny göz öňüne getirmek mümkin däl” diýdi.
Kesrin Smolwud 2020-nji ýylyň iýulynda BSG-niň Türkmenistana sapar eden toparyna ýolbaşçylyk edipdi.
Şol saparynyň jemi boýunça ýygnakda ekspert edil ýurda COVID-19-iň ýaýrandygy ýaly çäreler görmäge türkmen hökümetini çagyrypdy.
21-nji sentiýabrda bolsa, adam hukuklaryny goraýan türkmen toparlary BSG-niň Ýewropadaky edarasynyň başlygy Hans Klýuge açyk hat ýollap, Türkmenistandaky epidemelogiýa ýagdaýlaryny kommentirlemegi,şeýlede garaşsyz barlaglar geçirmek üçin COVID-19 alamatlary bolan näsaglaryň biologiki materiýallayny BSG-na bermegini türkmen häkimiýetlerinden gazanmaga çagyrypdylar.The post ÝHHG-da COVID-19 ýokanjy barasynda nähili ýazmalydygyny türkmen žurnalistlerine düşündirýär first appeared on Türkmenistanyň Hronikasy.