Ýewropada howpsyzlyk we hyzmatdaşlyk guramasyna agza ýurtlar Maltanyň Waletta şäherinde duşuşar.
Dekabr aýynyň 5-6-sy aralygynda geçiriljek Ministrler geňeşiniň maslahatyna Türkiýeden Daşary işler ministri Hakan Fidan gatnaşar.
Her ýylyň ahyrynda geçirilýän we Ýewropada howpsyzlyk we hyzmatdaşlyk guramasynyň karar kabul ediş we ýerine ýetiriş organy bolan Ministrler geňeşine gurama agza 40-a golaý ýurduň ministri gatnaşar.
Daşary işler ministri Hakan Fidan maslahatyň çäginde Ýewropaly kärdeşlerine ýüzlenip çykyş eder.
Fidan Türkiýäniň, Ukrainanyň territorial bitewiligine we özygtyýarlygyna goldaw berýändigini ýene-de bir gezek nygtar.
Ysraýylyň Gaza guraýan hüjümleri hem sammitiň gün tertibinde esasy orun eýelär.
Hakan Fidan, Ýakyn Gündogarda yzygiderli parahatçylygyň we durnuklylygyň ýola goýulmagynyň Ýewropada howpsyzlyk we hyzmatdaşlyk guramasy üçin hem möhümdigine ünsi çeker.