Ýewropada geçen gyş synlamalaryň bütin taryhynda ikinji iň maýyl gyş pasly boldy diýip, Habar 24 ýazýar.
Bu barada maglumatlary Ýewropa Bileleşiginiň howanyň üýtgemegi barada Copernicus gullugy tanyşdyrdy. Maglumatlara görä, iň ýokary howa temperaturasy yklymyň gündogarynda we demirgazyk-gündogarynda hasaba alyndy.
Galyberse-de, geçen gyş çakdanaşa gurak boldy. Mysal üçin, Roždestwoda lyžada typylýan möwsümde Fransiýanyň hem Şweýsariýanyň dag ýapgytlary garsyz boldy.
Italiýada bolsa meşhur Wenesiýa kanallary gurady. Ýurtlaryň birnäçesiniň hökümetleri ilaty suwy tygşytly ulanmaga çagyrdylar. Fewralda sebitleriň birgideninde topragyň çyglylygynyň pes derejesi hasaba alyndy.