Ýewropanyň öňdebaryjy 12 kluby tarapyndan Ýewropa Super Ligasy ady bilen täze ýaryşyň döredilendigi resmi ýagdaýda habar berildi.Italiýadan (3) “Milan”, “Inter”, “Ýuwentus”, Ispaniýadan (3) “Real Madrid”, “Barselona”, “Atletiko” hem-de Angliýadan (6) “Mançester Ýunaýted”, “Çelsi”, “Mançester Siti”, “Liwerpul”, “Arsenal”, “Tottenham” toparlary täze liganyň esaslandyryjy agzalary boldy.
Täze liganyň başlygy-da “Real Madridiň” başlygy Florentino Perez diýlip tassyklandy. “Ýuwentusyň” başlygy Andrea Anýelli bilen “Mançester Ýunaýtediň” başlygy Joel Gleýzer bolsa orunbasarlary wezipesine ýerine ýetirerler. Ýene-de 3 topar esaslandyryjy hökmünde liga goşular.
Jemi 20 toparyň arasynda geçiriljek bu ligada 5 klub her ýyl çalşyp durar.
Ýewropanyň Super ligasynyň umumy pul gaznasy 3,5 milliard dollar bolup, ýaryş awgust aýynda başlar.Klublar 10 toparly 2 toparçada çykyş ederler.Adaty çempionat görnüşinde geçiriljek ligada her toparçany öňdäki 3 orunda tamamlanlar çärýek finala, 4-5-nji orunlary eýelänler bolsa, pleý-off oýnap, ýene-de topar çärýek finalçylaryň hataryna goşular.
Utulan-çykdy oýunlaryndan soňam çempion belli bolar.
Häzirki wagtda bu liganyň esaslandyrylmagyna UEFA, FIFA we beýleki ähli futbol guramalary diýen ýaly öz nägileliklerini, garşydyklaryny beýan edýän jümleler bilen çykyş etdiler.
The post Ýewropa Super ligasy döredildi appeared first on Zaman Türkmenistan.