Ýewropa ligasynyň 1/8 final tapgyrynyň jogap duşuşygynda Milan öz meýdançasynda Mançester Ýunaýtedden 0:1 hasabynda utuldy. Ýeke-täk pökginiýarymgoragçy Pol Pogba oýna gireninden üç minut soň geçirdi.
Birinji duşuşyk 1:1 hasabynda tamamlanypdy. Netijede, Mançester Ýunaýted Ýewropa ligasynyň çärýek finalyna çykdy.
Tottenham Zagrebiň Dinamosyndan 0:3 hasabynda utuldy. Ýarym goragçy Mislaw Orşiç oýnuň esasy wagtynda iki gezek, goşmaça wagtda hem bir gezek gol geçirdi.Horwatiýaly klub birinji oýunda 0:2 hasabynda ýeňilendigine garamazdan, ýaryşy dowam etdirmäge hukuk gazandy.
Bu tapgyryň beýleki oýunlarynda netije şeýle: Arsenal Olimpiakosdan (0:1) utuldy, ýöne birinji oýunda 3:1 hasabynda ýeňiş gazanypdy. Şahtýor ýene-de Romadan utuldy (1:2) we ýaryşdan çykdy (ilkinji oýunda rimliler 3:0 hasabynda ýeňiş gazandy).
Ispaniýaly Granada myhmançylykda Norwegiýanyň Molde klubundan (2:1) ýeňildi, ýöne öz meýdançasynda gazanan ýeňşi sebäpli öňe saýlandy (2:0).Reýnjers (Şotlandiýa) öz meýdançasynda Çehiýanyň Slawiýasyndan 0:2 hasabynda ýeňildi.
Ilkinji duşuşykda hasap deňme-deň bolupdy (1:1).Ispaniýadan Willarreal Kiýewiň Dinamo klubundan üstün çykdy (2:0).Ilkinji oýun hem şu hasap bilen tamamlanypdy. Ýang Boýz (Şweýsariýa) Aýaksdan ýene-de utuldy (0:2, birinji oýun — 0:3).
Şeýlelikde, Ýewropa ligasynyň 2020/21 möwsüminiň çärýek finalyna gatnaşyjylaryň hemmesi belli boldy: Roma, Arsenal, Granada, Dinamo Zagreb, Mançester Ýunaýted, Willarreal, Aýaks we Slawiýa Praga.
Garşydaşlar 19-njy martda geçiriljek bije çekişlikde kesgitleniler.
Ýewropa ligasynyň 1/4 finalynyň ilkinji oýunlary 8-nji we 9-njy aprelde, jogap oýunlar — 15-nji we 16-njy aprelde geçiriler.