UEFA Ýewropa ligasynda 1/8 finalyň jogap oýunlary oýnaldy.Myhmançylykda 5-0 hasabynda ýeňiş gazanan “Mançester Ýunaýted” öz meýdançasynda Awstriýanyň LASK toparyny 2-1 hasabynda ýeňip, çärýek finala adyny ýazdyrdy.
Myhmanlar 55-nji minutda Waýsingeriň goly bilen öňe saýlansa-da, “Ýunaýted” Lingard (57) we Marsialyň (88) gollary bilen 2-1 ýeňiş gazandy. 1-nji oýny geçirilmedik “Inter”“Hetafe” duşuşygy bitarap meýdançada, Germaniýanyň Gelsenkirhen şäherinde oýnaldy. Çekeleşikli geçen oýunda italýanlar Lukaku (33) we Erikseniň (83) gollary bilen 2-0 üstün çykyp, çärýek finala ýollanma aldy.
Mart aýynda oýnalan 1-nji duşuşykda 2-1 ýeňiş gazanan “Şahtýor Doneske” öz meýdançasynda utmak ýeňil düşmedi. “Wolfsburgy” Kiýewde kabul eden donesklilere soňky minutlara çenli gol geçirtmek başartmady.
Aýratynam nemes toparynyň derwezeçisi Kastils erjellik görkezdi. Ýöne oýnuň soňky minutlarynda “Şahtýor” 3 gol geçirip, ynamly ýeňiş gazandy we çärýek finalçy boldy.Ukrain toparyna ýeňiş getiren gollary 89-njy we 90+3-nji minutlarda Moraes hem-de 90+1-nji minutda Solomon derwezä girizdi. Öz meýdançasynda 1-0 hasabynda ýeňiş gazanan “Istanbul Başakşehir” myhmançylykda “Kopengagenden” 3-0 asgyn gelip, ýaryş bilen hoşlaşdy.
Daniýalylaryň gollaryny Wind (2) bilen Falk tora gönükdirdi.
1/8 finalyň galan 4 duşuşygy hem şu gün oýnalar.
Man. Ýunaýted LASK: 2-1 (5-0)
/Lingard 57, Marsial 88 Waýsinger 55/
Kopengagen Istanbul Başakşehir: 3-0 (0-1)
/Wind 4, 53 p, Falk 62/
Şahtýor Donesk Wolfsburg: 3-0 (2-1)
/Moraes 89, 90+3, Solomon 90+1/
Inter Hetafe: 2-0
/Lukaku 33, Eriksen 83/