2024-nji ýylyň 14-nji oktýabrynda Aşgabat şäherinde Merkezi Aziýa ýurtlarynyň we Günorta Koreýanyň Mejlis başlyklarynyň 2-nji maslahaty geçirildi. Maslahata Günorta Koreýanyň, Gazagystanyň, Gyrgyzstanyň, Özbegistanyň, Täjigistanyň we Türkmenistanyň Mejlisiniň başlygy gatnaşdy. Maslahatda Günorta Koreýanyň Merkezi Aziýa ýurtlary bilen edýän gatnaşyklary giňişleýin ara alnyp maslahatlaşyldy. Maslahatyň çäginde özara duşuşyklar geçirildi.
2024-nji ýylyň oktýabr aýynyň 15-16-sy aralygynda Ermenistanyň Prezidenti Waagn Haçaturýan Gazagystanda resmi saparda boldy. Resmi duşuşyklardan soň Gazagystanyň we Ermenistanyň Prezidenti Halkara Astana finans merkezine baryp gördi we Ermenistanyň Medeniýet günleriniň açylyş dabarasyna gatnaşdy. Saparyň öňüsyrasynda Gazagystanyň Prezidenti Kasym- Žomart Tokaýew Ermenistanyň Premýer-ministri Nikol Paşinýan bilen telefon arkaly söhbetdeşlik geçirdi.
2024-nji ýylyň 16-njy oktýabrynda Yslamabat şäherinde Şanhaý hyzmatdaşlyk guramasyna agza ýurtlaryň hökümet batşutanlarynyň maslahaty geçirildi. Maslahatyň çäginde möhüm şertnamalar baglaşyldy.
2024-nji ýylyň 17-nji oktýabrynda Özbegistanyň Prezidenti Şawkat Mirziýoýew Azerbaýjanyň Respublikasynyň Razwetka gullugynyň başlygy Orhan Sultanowy kabul etdi. Kabul edilşikde iki ýurduň arasyndaky özara gatnaşyklar bilen sebitara howpsuzlyk meselesi ara alnyp maslahatlaşyldy.
2024-nji ýylyň 18-nji oktýabrynda Bişkek şäherinde Türki döwletleriň guramasyna agza ýurtlaryň Ykdysadyýet we söwda ministrleriniň 13-nji maslahaty geçirildi. Maslahata gurama agza we synçy ýurtlaryň ykdysadyýet we söwda minstrleri gatnaşdy. Gyrgyzstanyň Premýer-ministri Akylbek Japarow maslahata gatnaşan ýurtlaryň ýurtlaryň Ykdysadyýet we söwda ministrlerini kabul etdi.
Geçen hepde Änew-2024 Türki dünýäniň medeni paýtagtlygyna bagyşlanyp Aşgabat we Änew şäherlerinde medeni şäherler geçirildi. 2024-nji ýylyň 17-20-si aralygynda Änew şäherinde Türki dünýäniň suratkeşleriniň duşuşygy geçirildi. Duşuşyga gurama agza ýurtlardan 22 suratkeş gatnaşdy.
2024-nji ýylyň oktýabr aýynyň 18-20-si aralygynda Aşgabat şäherinde TÜRKSOÝ-a agza ýurtlaryň 2-nji teatr festiwaly geçirildi. Änew-2024 Türki dünýäniň medeniýet paýtagtlygyna bagyşlanan çäreleriň çäginde festiwala Türki döwletleriň guramasyna agza ýurtlaryň sungat ussatlary gatnaşdy. Şol gün Aşbagat şäherinde Türki dünýäniň Ýazyjylar forumy geçirildi.
Foruma Azerbaýjandan, Gazagystandan, Gyrgyzstandan, Özbegistandan, Türkmenistandan we Türkiýeden wekiller gatnaşdy. 2024-nji ýylyň 19-njy oktýabrynda Aşgabat şäherinde TÜRKSOÝ-a agza ýurtlaryň Ýazyjylar bileleşiginiň maslahaty hem geçirildi.
2024-nji ýylyň 14-nji oktýabrynda Ženewa şäherinde Parlamentara bileleşigiň 149-njy gurultaýy geçirildi. Gurultaýa Azerbaýjanyň we Türkiýäniň Mejlisiniň başlygy hem gatnaşdy. Gurultaýyň çäginde TBMM-niň başlygy Numan Kurtulmuş Azerbaýjanyň Mejlisiniň başlygy Sahiba Gafarowa bilen özara duşuşyk geçirdi.
2024-nji ýylyň 18-nji oktýabrynda Stambul şäherinde 3-nji Günorta Kawkaz sebitleýin hyzmatdaşlyk forumy geçirildi. Foruma Azerbaýjanyň, Ermenistanyň, Eýranyň, Russiýanyn we Türkiýäniň Daşary işler ministri gatnaşdy. Prezident R. T. Erdogan foruma gatnaşan ýurtlaryň daşary işler ministrleri kabul etdi.
2024-nji ýylyň 18-nji oktýabrynda Ankara şäherinde 9-njy Türki dünýäniň dokumantal film festiwalynyň baýrak gowşurlyş dabarasy geçirildi. Türki dünýäniň dokumantal film festiwalynda 144 film derejä girmek üçin bäsleşdi.