2024-nji ýylyň 3-nji iýunynda Gazagystanyň Almaty şäherinde Kollektiw howpsuzlyk şertnamasy guramasyna agza ýurtlaryň Parlamentara Assambleýasynyň maslahaty geçirildi.Emeli intellekt tehnalogiýalary meselesine guralan maslahata gurama agza ýurtlaryň Mejlis başlyklary gatnaşdy.
Guramanyň hataryndan çekilip çekilmejekdigi meselesi gün tertibinde esasy orun eýeleýändigi sebäpli Ermenistanyň Mejlisiniň başlygy maslahata gatnaşmady.Maslahatda Kollektiw howpsuzlyk şertnamasy guramasynyň Parlamentara Assambleýasynyň maslahatlarynyň yzygiderli ýagdaýda geçirilmegi boýunça karar kabul edildi.
Gazagystanyň Prezidenti Kassym-Žomart Tokaýew maslahata gatnaşan Mejlis başlyklaryny kabul etdi.
Döwürleýin ýolbaşçylygyny Gazagystanyň ýerine ýetirýändigi sebäpli Kollektiw howpsuzlyk şertnamasy guramasynyň maslahatlary Almaty şäherinde geçirilýär. 2024-nji ýylyň 6-njy iýunynda Almaty şäherinde Kollektiw howpsuzlyk şertnamasy guramasynyň Milli howpsuzlyk geňeşiniň Baş sekretarlary komitetiniň maslahaty geçirildi. Almaty şäheri 2024-nji ýylyň 31-nji maýynda hem Kollektiw howpsuzlyk şertnamasy guramasynyň Goranmak ministrleriniň maslahatyna ýer eýeçiligini edipdi.
2024-nji ýylyň iýun aýynyň 5-6-sy aralygynda Azerbaýjanyň paýtagty Bakuda TÜRKPA-nyň 13-nji Baş Assambleýasy geçirildi.Baş Assambleýanyň maslahatyna Azerbaýjanyň, Gazagystanyň, Gyrgyzstanyň, DKTR-nyň, Özbegistanyň Mejlisiniň başlygy bilen Wengriýanyň Mejlisiniň başlygynyň orunbasary gatnaşdy.
Maslahata şeýle hem Türki döwletleriň guramasynyň, Halkara Türk Akademiýasynyň, Türk medeniýet we miras gaznasynyň, TÜRKSOÝ-yň ýolbaşçylary hem gatnaşdy.Maslahatyň ahyrynda Baku jarnamasy kabul edildi.Mejlis başlyklary žurnalistler üçin metbugata beýannama berdi.
TÜRKPA-nyň nobatdaky Baş Assambleýasynyň Gazagystanda geçirilmegi boýunça karar kabul edildi.
Maslahatyň çäginde mejlis başlyklary özara duşuşyk geçirdi. Azerbaýjanyň we Özbegistanyň mejlisiniň arasyndaky hyzmatdaşlygyň pugtalandyrylmagy maskady bilen şertnama baglaşyldy. Azerbaýjanyň Premýer-ministri Ali Asadow maslahatyň çäginde DKTR-nyň Mejlisiniň başlygy Zorlu Töre bilen duşuşdy.
TÜRKPA-nyň Baş Assambleýasynyň çäginde ilkinji gezek Türki döwletleriň Mejlisleriniň Baş sekretarlarynyň 1-nji maslahaty geçirildiç 5-nji iýunda bolsa TÜRKPA-nyň 3-nji zenan parlamentar maslahaty we TÜRKPA-nyň 3-nji ýaş parlamentarlar maslahaty geçirildi.
Azerbaýjanyň Prezidenti İlham Aliýew, TÜRKPA-nyň Baş Assambleýasyna gatnaşmak üçin Bakuwa gelen myhmanlary kabul etid. Prezident Aliýew kabul edilşikde “Ýeri gelende dünýäniň ähli meseleleri Türki döwletleriň guramasy arkaly çözüler” diýdi.
TÜRKPA agza ýurtlaryň parlamentleriniň we degişli komissiýalaryň maslahatlary yzygiderli ýagdaýda geçirilýär. 2024-nji ýylyň 22-nji maýynda paýtagt Ankarada TÜRKPA agza ýurtlaryň parlamentleriniň Goranyş komissiýasynyn başlyklarynyň birinji maslahaty geçirlipdi.
2024-nji ýylyň 10-nji iýununda Täjigistanyň paýtagty Duşenbede Halkara Parlament forumy geçirildi. Ýaşlar üçin suw serişdeleri temasy bilen geçirlen foruma 20 ýurduň wekili gatnaşdy.
Ýewraziýa ýurtlarynyň arasyndaky hyzmatdaşlyk gün saýyn pugtalanýar. Parlamentara hyzmatdaşlyk ýurtlaryň arasyndaky gatnaşyklaryň bökdençsiz kanunlara laýyklykda dowam etdirilmegi taýdan diýseň möhüm.