ABŞ-nyň Balyk we ýabany durmuş gullugynyň (USFWS) habar bermegine görä, dünýäniň iň garry guşy hasaplanýan Wisdom atly Leýson albatros guşunyň 40-njy jüýjesi dünýä indi. 70 ýaşyndaky Wisdom atly bu guş Gawai adasyndan 2 müň kilometr daşlykda ýerleşýän Midway Atoll atly kiçeňräk adada ýaşaýar. 1951-nji ýylda dünýä inen diýlip çaklanylýan bu guş 1956-njy ýyldan bäri yzarlanyp gelinýär.
Hasaplamalara we çaklamalara görä, bu guş şu wagta çenli 40 jüýjäni dünýä inderdi.
Ilkinji gezek 1893-nji ýylda Angliýaly zoolog Lionel Walter Rotşild tarapyndan mälim edilen Leýson albatros guşlary (Phoebastria immutabilis) Gawai adasyndaky iň köp 2-nji görnüş guşdur. Bu guşlar ýylda diňe bir ýumurtga berýär. Olar geçen asyryň ahyrlaryna çenli ortaça 40 ýyl töweregi ýaşaýarlar diýlip bilinýärdi. Ýöne Wisdomyň 70 ýaşynda bolmagy bu baradaky pikirleriň üýtgemegine getirdi.
Ýokarda ady agzalan gullugyň işgärlerinden Çandler Robbins “Wisdoma mundan 46 ýyl ozal, entek özüniň talyplyk ýyllarynda ýörite belgi dakandygyny we onuň 70 ýaşynda bolmagy özüni haýran galdyrýandygyny belläp geçdi.
The post Ýer şarynyň iň garry guşunyň 40-njy jüýjesi dünýä indi appeared first on Zaman Türkmenistan.