Futbol boýunça ýurdumyzyň milli çempionatynda 2-nji tapgyrda geçirilen 3 duşuşygyň 2-sinde ýer eýeleri ýeňiş gazandy.Has takygy, “Energetik” topary “Balkandan” 21, “Merw” hem “Şagadamdan” 20 hasabynda üstün çykdy.
Paýtagt derbisinde-de “Köpetdag” öz meýdançasynda “Aşgabatdan” 21 hasabynda asgyn geldi.Her ýarymda 1 gol geçiren “Energetik” toparynyň adyndan Parahat Jumanazarow (34) bilen Muhammet Astanow (63) tapawutlandy. 38-nji minutda bir oýunçysy (Tirkiş Muhammetberdiýew) gyzyl kartoçka alan “Balkanyň” goluny-da 90+3-nji minutda Azat Garajaýew derwezä ýollady.
Birinji ýarymy golsuz geçen oýunda “Merwe” 3 utuk getiren pökgüleri 59-njy minutda Söhbet Allanurow bilen 90+3-nji minutda Ilýa Tamurkin öz atlaryna ýazdyrdylar. Çekeleşikli geçen paýtagt derbisinde-de ilkinji bolup, 26-njy minutda myhmançylykdaky “Aşgabat” toparynyň belli oýunçysy Nazar Baýramow hasaby açdy. 6 minutdan soň, Berdi Hotdyýew hasaby deňledi. 57-nji minutda-da Pirmyrat Gazakow “Aşgabat” toparyna ýeňiş getiren goly derwezä girizdi. Şeýlelikde, “Aşgabat” topary 2-nji ýeňşini gazanyp, ilkinji 2 tapgyrdan soň, sanawda 1-nji orunda barýar.