Germaniýanyň çempionatynda sanawyň lideri “Bawariýa” öz meýdançasynda “Union Berlin” toparyndan Keýn (2) hem-de Komanyň gollary bilen 3-0 hasabynda üstün çykdy. “Borussiýa Dortmund” bilen “Leipsigiň” arasyndaky oýunda myhmanlar öňe saýlansa-da, ýer eýeleri ýeňiş gazanmagy başardy. Şeşkonyň 27-nji minutdaky goluna 30-njy minutda “Baýeriň” goly bilen jogap beren dortmundlylar 65-nji minutda Girassiniň goly esasynda 2-1 hasabynda ýeňiş gazandy.
Bu duşuşykdan soň Leipsig möwsümde ilkinji gezek utulyp, çempionatda diňe “Bawariýa” ýeňlişsiz ýörişini dowam edýär.Soňky çempion “Baýer” bolsa “Ştutgart” bilen golsuz deňme-deň oýnady.Bu olaryň soňky 5 oýunda 4-nji deňlidir. 9 goluň geçirilen oýnunda “Aýntraht” topary öz meýdançasynda “Bohumy” 7-2 hasabynda utdy.
Duşuşykda ýer eýelerinden Ekitike 2 gezek tapawutlandy.Entek ýeňiş gazanyp görmedik “Bohum” soňky 4 duşuşykda 18 gol geçirtdi.
Baýer Ştutgart: 0-0,
Bawariýa Union Berlin: 3-0 (Keýn 15 p, 51, Koman 43),
Aýntraht Bohum: 7-2 (Ekitike 9, 69, Marmuş 18, Knauff 20, Braun 32, Daud 61, Uzun 66 De Wit 35, Hofmann 51),
Hoffenhaým Sankt-Pauli: 0-2 (Afolaýýan 20, Albers 90+4),
Wolfsburg Augsburg: 1-1 (Amura 82 Tits 34),
Holştaýn Haýdenhaým: 1-0 (Erras 28),
Borussiýa D Leipsig: 2-1 (Baýer 30, Girassi 65 Şeşko 27),
Fraýburg Maýns: 0-0,
Borussiýa M Werder: 4-1 (Plea 11, Fridl 12 ö.d., Onora 45, Şteger 67 Topp 75)