Moto GP-de möwsümiň 2-nji ýaryşy ýene-de Ispaniýanyň Kadiz şäherindäki Herez trassasynda geçirildi. Ýaryşda Petronas Yamaha toparynyň fransuz sürüjisi Fabio Kuartararo ýeňiş gazandy. 1-nji bäsleşikde-de ýeňiji bolan Fabio Kuartararo 25 aýlawy 41 minut 22,6 sekuntda tamamlamagy başardy.
Ilkinji hatardan bat alan 21 ýaşly sürüji karýerasyndaky 2-nji ýeňşini baýram etdi.Monster Energy Yamaha toparynyň sürüjileri ispaniýaly Mawerik Winýales 2-nji, italiýaly Walentino Rossi 3-nji ýeri eýeledi.
Soňky çempion Mark Markes şikesi sebäpli bu ýaryşa gatnaşyp bilmedi.Geçirilen 2 bäsleşikden soň, 50 utuk toplan Kuartararo umumy sanawda 1-nji basgançakda barýar. 2-nji orunda Winýales bolup, ol 2 ýaryşda-da 2-nji ýeri eýeledi we umumylykda 40 utuk toplady.
Möwsümiň 3-nji Gran Prisi 9-njy awgustda Çehiýanyň Brno şäherinde geçiriler.