Siriýanyň we Yragyň demirgazygynda ekstremist terror guramasy PKK/ÝPG-a agza 21 terrorçy täsirsiz ýagdaýa getirildi.
Milli Goranmak ministrliginden berlen beýannamada, terror guramasy PKK/ÝPG-niň hüjüm synanşyklaryna garşy öňüni alyjy we ýok ediji çäreleriň görülýändigi nygtaldy.
Beýannamada, “Gahryman Türk ýaragly güýçlerimiz, Siriýanyň demirgazygynda Ýefrat Galkany” we “Parahatçylyk Çeşmesi” operasiýasy zolaklarynda hüjüm guramak üçin taýarlyk görýän PKK/ÝPG-li 20 terrorçy bilen Yragyň demirgazygynda “Penje Gulp” operasiýasy zolagynda ýerleri anyklanylan PKK-ly 1 terrorçyny täsirsiz ýagdaýa getirdi. Terrora garşy egilşiksiz göreşimiz dowam eder” diýildi.