Ýemendäki Husiler, Tel-Awiwiň Ýafa sebitine we Eýlat şäherine hüjüm gurady.
Husileriň metbugat sekretary Ýahýa Seri, Husilere degişli “Al Mesire” teleýaýlymyna beren beýannamasynda mesele hakynda maglumat berdi.
Ýaragly uçarmansyz howa ulaglarynyň üstünlikli iki hüjüm gurandygyny aýdan Seri, hüjümde Tel-Awiwiň golaýyndaky Ýafa sebiti bilen Eýlat şäherindäki elektrik beketlerini nyşana alandyklary nygtaldy.
Seri, hüjümiň maksadyna ýetendigini ýatlatdy.
Ýemende Eýran tarapyndan goldanýan Husiler, Ysraýylyň Gaza guraýan hüjümlerine garşylyk görkezmek maksady bilen 2023-nji ýylyň 31-nji oktýabryndan bäri Ýemeniň suw giňişliginde ysraýylly firmalara degişli söwda gämilerini saklaýar we käbirine hem uçarmansyz howa ulaglary we raketalar bilen hüjüm guraýar.